Uei : 21/04/2018
(64) Sent Pèr de Lèren —12au edicion Lo Primtemps de l’Arribèra
Contact Site : loprimtempsdelarribera.com

Ua navèra edicion deu Primtemps de l’Arribèra suu tèma « Bons Ans ! » que’s debanarà a partir deu dijaus 5 d’abriu. Au programa, dijaus (serada a gratis), « diada deus mainatges ». De 10 h a 16 h qu’ei reservat a las escòlas, sus reservacions. Los mainatges que poderàn descobrir los divèrs talhèrs de chancas, de dança, de canta, de fabricacion d’instrument. Un moment conde musicau dab « Capdèth de l’Arribèra » que serà animat per las Cocanha. A partir de 19 h 30, arcuelh en canta e en musica peus Chancaires e los cantaires de Sauvatèrra. A 20 h, Galapiat-BOI, « un sòlo acrobatic » que jogarà sus l’empont. La purmèra serada que’s clavarà per la projeccion deu filme « Suu camin de l’escòla » per Caroline Dufau, documentari, collectatges realizats au près deus ancians escolans de las annadas 40 a 50. Lo 6 d’abriu, après un aperitiu musicau a 19 h, los concèrts que començaràn a 21 h dab l’espectacle deus Seuvetons « Arcolin », seguit peu grop basco Zarabanda, e un bal gascon dab Verd e Blu (serada a 10 €).

Lo 7 d’abriu, tot au long de la jornada, encontres de clarins, aboès, txanbelas e autas espiulas de passatge que s’amassaràn entà escambiar lo lor repertòri e atau partajar-u pendent la serada. En mei deus talhèrs de dança (dab Los Chancaires) e de canta a dançar (Joan Francés Tisnèr), que poderatz seguir la « Passejada deu Primtemps » dab Fabrice Marembert. La 12au edicion deu Primtemps de l’Arribèra que s’acabarà per un gran concèrt dab los grops La Mal Coiffée, Partida de bal Biarn/Bretanha e un bal dab Tripoux (serada a 10 €). L’eveniment qu’ei organizat peus Chancaires de Sent Pèr de Lèren.

Lieu Maison pour Tous, 64270 Sent Pèr de Lèren

La Setmana

  • L'edicion papèr
  • L'edicion 100 % Numerica

Descobrir las auhèrtas

 

Plumalhon

Plumalhon es un magazine pel 8-12 ans. Prepausa cada mes dos reportatges sus de tèmas d'actualitat, sus de países, d'animals... Prepausa tanben de BD, de jòcs e 

+

Capture decran 2017 11 28 a 11.48.12

Papagai

Papagai es la revista occitana dels pichonèls.
Prepausa cada mes istòrias, jòcs, una pagina de vocabulari e un dorsièr 

+