Uei : 24/09/2017
Fòrum ciutadan occitan

 

L'eveniment qu'ei organizat per ua equipa de jornalistas de lenga nosta. L'idea qu'ei de cambiar de formula e de lòc en préner la seguida de la Dintrada deu Partit Occitan. Tres tematicas qu'estón validadas peu comitat de pilotatge : l'arcuelh e l'integracion de las personas qui arriban en Occitania dab « Una Occitània multiculturala ? », ua reflexion sus la revolucion numerica dab o shens la lenga occitana e la causida deu navèth nom de la Region Occitania/Pirenèus-Mediterranèa.

Pertocant au debat sus la revolucion numerica, Uc Jourde, responsable deu comitat de pilotatge de la Dintrada 2017 qu'explica : « la tecnologia del numeric e d'internet en particulari a quicòm de “ magic ”. Sembla que poriá permetre de se liberar de cadenas qu'entravavan fins ara l'avançada de l'occitanisme e en particulier la transmission de la lenga occitana. […] La cultura occitana s'esquiça e se perd ? Numerisem la, e fai tirar sus la tèla : lo monde entièr ne profitarà ! ».

Talhèrs creatius que son prevists per grops a l’entorn deus tèmas causits. Los participants qu’escriuràn proposicions e ideas sus paperòts qui seràn lejuts tot au long de la jornada. Sabine Choquet que participarà au debat « Una Occitània multiculturala ? ». La cercaira que tribalhè sus l'exemple de la Soïssa e deu Canadà sus quin pòden coabitar mantuas culturas e lengas dens un país. Gaël Tabarly, Benjamin Assié (CIRDÒC), Mélanie Larché (InÒc Aquitania), Stéphane Valentin (ÒcProd) o enqüèra Martial Peyrouny e Gustave Alirol que hèn partidas deus nombrós convidats au Fòrum.

 

Inf. : La participacion a La Dintrada qu'ei a gratis mes que cau totun reservar la soa plaça suu site http://ladintrada.eu

Lieu (11) Narbona

La Setmana

  • L'edicion papèr
  • L'edicion 100 % Numerica

Descobrir las auhèrtas

 

Papagai

Papagai es la revista occitana dels pichonèls. Prepausa cada mes doas istòrias, de jòcs, una pagina de vocabulari e un dorsièr en rapòrt amb un dels dos 

+