AUJOURD'HUI : 17/11/2018

31au Pujada au Pòrt de Salau, encontre enter Occitans e Catalans

L'associacion tà las iniciativas culturaus de la Vath deu Salat (ASPIC) qu'ei vaduda a las sorças deu Salat a Salau en Coserans Haut en 1990. Qu'a seguit lo tribalh deu Cercle d'Agermanament occitano-català (CAOC) dens l'organizacion de las Pujadas au Pòrt de Salau, lançat en 1988. Cada purmèr dimenge deu mes d'agost, qu'organizan encontres hestius e conviviaus a l'entorn de la defensa de las lengas e de las culturas occitanas e catalanas. En mejana, 400 personas deus dus costats de las Pirenèas que participan a la Pujada a cada edicion.

La situacion geografica deu Pòrt de Salau qu'estó un avantatge dens los escambis enter los Occitans e los Catalans au briu de las annadas, tant au nivèu economic (expleitacion transfrontalèra, comèrci) com uman (passatge deus refugiats espanhòus pendent la Guèrra d'Espanha).

 

L'ASPIC qu'organizarà lo 5 d'agost la 31au Pujada au Pòrt de Salau. Lo rendètz-ve qu'ei balhat a 7 òras deu matin, au camin deu Pòrt deu Salau. Los encontres e escambis que son previst tota la matiada. Arron los devís de planvenguda deus organizators, repaish e partatge deu hromatge occitan e deu vin catalan dab tots los participants. Los grops Arredalh, Semproniana e Bouilleurs de Sons qu'animaràn lo començar de vrèspe en musica. La jornada que s'acabarà per moments de danças tradicionaus, imnes e las cantas d'adiu.
Que'vs calerà prevéder cauçaduras de las bonas e un baston entà facilitar la marcha.

Inf. : ASPIC, 09140 Salau — Tel. : 05 61 59 16 02 — Mèl : Cette adresse e-mail est protégée contre les robots spammeurs. Vous devez activer le JavaScript pour la visualiser. — CAOC, Cette adresse e-mail est protégée contre les robots spammeurs. Vous devez activer le JavaScript pour la visualiser.

La Setmana

  • L'édition papier
  • L'édition 100% Numérique

DÉCOUVRIR LES OFFRES

 

Plumalhon

Plumalhon es un magazine pel 8-12 ans. Prepausa cada mes dos reportatges sus de tèmas d'actualitat, sus de países, d'animals... Prepausa tanben de BD, de jòcs e 

+

Papagai

Papagai est la revue occitane pour les tout-petits. Elle propose chaque mois des histoires, des jeux, une page de vocabulaire et un dossier en rapport avec l'une des deux histoires.

+