Lo setmanièr occitan

Un còp èra, Portet e Sent Lari, dus vilatges gascons

Eth darrèr documentari deth Ostau Comengés. Portet e Sent Lari que son dus vilatges vesins, eth prumèr en Nauta Garona, eth segond en Arièja. Mès, maugrat eras termièras administrativas, que hèn totis dus partida dera Vathlonga e qu’entretenguen despuish tostemps d’estretas arrelacions e que partatjan eth madeish parlar gascon pirenenc orientau.

Despuish 2014, dam eth sostenc deras duas municipalitats e dera Associacion de Sauvaguarda e de Valorisacion deth Patrimòni Porterés, Eth Ostau Comengés qu’a podut arrencontrar e filmar 13 informators qu’an totis eth occitan coma lenga mairala. Après avec cuelhut aqueth patrimòni preciós, qu’é arribat eth temps dera transmission. Qu’ei atau qu’Eth Ostau Comengés e era ASVPP venguen de presentar un documentari de 42 mn sus eth patrimòni culturau dera Nauta Vathlonga. Que s’i parla de fòrça causas : deth temps vielh, deths caishèrs que se n’anavan peths camins, deras guèrras, dera practica deth gascon… Ua vertadera plonjada ena petiva Istòria nà conéguer miélhor era grana… Era prumèra projeccion que’s passèc dijaus 21 de julhet ena glèisa de Portet, devant un public nombrós. Que’s pòt crompar eth DVD peth siti www.oralitatdegasconha.net

DVD de 42 mn — Realizat per Renaud Lassalle — Produccion ASVPP e Eth Ostau Comengés — Colleccion Oralitat de Gasconha n° 26 — prètz : 15 €.

Jean-Paul Ferre

 


Écrit par La Setmana le jeudi juillet 27, 2017
Category: news - Tags: comenges, dvd

« Los dessenhs de Fanny Barrabès inspirats pel Claudi Marti - Editorial — Del trabalh invisible »