Lo setmanièr occitan

Un atlàs sonòr dab la lenga d'òc

Lo CNRS que vien de publicar un atlàs de França de las lengas regionaus. Tres cercaires deu laboratòri UPR3251 que s'interessèn aus divèrs parlars de l'exagòne e que creèn un atlàs sonòr de pas mensh de 124 lengas e dialèctes deu país.

Los cercaires qu'encontrèn a locutors naturaus e que'us enregistrèn legir « La bise et le soleil », de la fabla d'Esope « Borée et le soleil ». Ua mapa que v'ei presentada dab los divèrs dialèctes en diferentas colors. Que'vs sufeish de clicar sus cada region e vilas tà poder enténer los locutors.

Gascon de Bordèu dinc a Banhèras de Lushon, catalan, provençau o enqüèra lengadocian, tots que son representats, au demiei de las autas lengas ditas regionaus de França. Aquiu lo ligam cap a l'atlàs. 

Qu'avem reconeishut la votz deu professor d'occitan e membre de l'associacion Gascon-Lanas, Miquèu Baris. Que l'avem demandat lo son sentit cap au projècte deu CNRS :


Écrit par La Setmana le mercredi juillet 12, 2017
Category: news - Tags: atlas, lenga, regionau, franca, occitan, gascon, lengadocian, provençau

« Rentrada de 2017 — L'associacion Drin a Drin au tribalh - Jornada occitana a Malhòrca »