Lo setmanièr occitan

Tres vidas, un viatge musical e poetic

L'espectacle « Tres vidas » es lo rescontre de tres personalitats musicalas unicas que partejan lors univèrs e lors originas entre Andalosia e país d'òc, musicas del monde e musicas improvizadas. 

Los tres musicaires son Antonio Ruiz dit Kiko. Guitarrista afogat de flamenco, Kiko partajèt la scèna ambe grands noms del flamenco coma Blas Cordoba, Duquende e Esperanza Fernandez.

Guillaume Lopez fa partida del triò de Tres vidas. Lo cantaire occitan reputat es mai conegut per sa collaboracion ambe l'acordeonista Cyrille Brotto o encara ambe los Ogres de Barback, Eric Fraj e Claude Marti.

Laurent Guitton es lo tresen artista de que compausa lo triò. Primièr prèmi de tuba conservatòri nacional superior de musica e de dança de París en 1995, lo musicaire trabalhèt essencialament en lo domeni del jazz e de las musicas improvizadas notadament ambe lo Didier Labbé Quartet, Michel Marre e Jean-Marie Machado. 

Los tres artistas presentaràn lor collaboracion ambe l'espectacle « Tres vidas » cinc sers de tira, del dimars 25 de julhet dinc al dissabte 29 de julhet a 20 o 30 a la Cava Poesia de Tolosa. 

Confirmatz vòstra preséncia per mèl al CAMOM abans lo 24 de julhet. 

Inf. : Lo CAMOM, contact@lecamom.com — Tel. : 06 22 44 19 97 — Site : lecamom.com 


Écrit par La Setmana le jeudi juillet 20, 2017
Categories: news, events - Tags: musica, lopez, trio, occitan

« Ocfutura e « lo vòte dens los país d'òc » - Collectatge vidèo en occitan en Montanha Negra »