Lo setmanièr occitan

Total Festum Narbona — L'espectacle « Tifa-tafa ! » encantèt los calandrons

Per la segonda animacion del Total Festum, diluns 19 de junh, au Palais del Trabalh de Narbona, lo Cercle Occitan de Narbona prepausèt als dròlles de calandretas, un espectacle en occitan e en francés : « Tifa-tafa ! ». 
Tifa-tafa ! es lo mormolh del rencontre… 
Tifa-tafa ! es lo ritme del còr quora s'embala…
Tifa-tafa ! es de l'occitan !

Malika Verlaguet e Frédo Mascaro redonan un buf de vida a aqueles contes en fasent de la musica e deu cant los complicis d'un viatge dins las sapiéncias popularas. De racontes venguts dels quatre vents, la lenga occitana per tòcas dauradas, las nòtas caudas de la guitarra, las encantairas de la arpa celtica… un mescladís qu'invita en simplicitat tota a partejar d'esmogudas universalas. 

Lo Cercle Occitan merceja la Region e la vila pel lor sosten, los enquadrants (ensenhaires e parents), los benevòls e mai lo personal del Palais del Trabalh pel son acuèlh.

Inf. : www.cercle-occitan-narbona.fr, fòtos e video sus la pagina Facebook. 


Écrit par La Setmana le lundi juin 26, 2017
Category: news - Tags: cercle, narbona, occitan, cultura, festum, musica, canta

« L'aprenedissatge en lenga occitana au Cafè Gascon de julhet - Lo nacionalisme còrse en fòrça a l'Assemblada »