Lo setmanièr occitan

Total Festum 2016 : lo Cercle Occitan de Narbona que hiquè lo huec a Narbona-plaja

Tad aquera darrèra serada de Total Festum 2016, dissabte 25 de junh, lo Cercle Occitan de Narbona que hiquè lo huec a Narbona-plaja. Entà hestejar la Sent Jean, lo talentuós grop folcloric Los Gabelaires, que deambulè sus la plaça deus Karantes davant toristas curiós qui, tà uns, descobrivan la cultura occitana. Lo hèra dinamic grop Tindarèl que hasó dançar petits e grands. Los dançaires acostumats aus balètis qu'amuishèn pas de las nostas danças tradicionaus aus novicis entà que tots e posquin divertí's sus la pista.
Arron un repaish deus bons, conviviau, pres a la Brasserie de la mer, los Gabelaires qu'invitèn lo public a ua farandòla suu sable, davant lo huec, dab musica e cantas.
A maugrat deu ventolòt, tot lo monde que participèn a la hèsta e que's balhèn rendetz-ve tà l'an qui vien.
Totat Festum qu'a lo sostien de la vila e de la Region.

Fòtos sus www.cercle-occitan-narbona.fr e sus la pagina FB : cercle occitan narbona.


Écrit par La Setmana le jeudi juin 30, 2016
Categories: news, events - Tags: cultura, lenga, festum, occitan, musica

« Occitània / Pirenèus-Mediterranèa : Carole Delga vòl un « contracte d'avenir » per Catalonha-nòrd - 4au edicion d'« Escaudas hèi sa gascona » dissabte ! »