Lo setmanièr occitan

Tarn — Ajudar la ruralitat

Gisèle Berlic, (2nda esquèrra, fòto DR) candidata del Partit occitan e de Regions e Pòbles Solidaris dins la segonda circonscripcion de Tarn, a causit d’axar sa campanha sus la ruralitat.

S’es especialament desplaçada dins un restaurant de la comuna de Cestairòls (entre Albi e Galhac) qu’a una particularitat. Abans sos locals apartenián a la comuna e abrigavan un comèrci multi-servici. En 2006, la collectivitat foguèt forçada de vendre los locals al proprietari actual, compte tengut de la manca de la viabilitat del comèrci. Lo proprietari actual ditz qu’es penalizat per un budgèt desplaçament e comunicacion mai pesuc que s’èra installat dins una aglomeracion mai granda.

La candidata pocista considèra qu’aquela situacion es mal coneguda de la màger part dels elegits installats dins las grandas vilas. Prepausa per exemple de demesir la pression fiscala sus las enterpresas installadas dempuèi mantunas annadas en zòna rurala. Prevei de la far finançar per una taxa sus la chifra d’afars dels ipermercats. « An plan existit de zònas francas en banlèga, ara es temps d’ajudar la ruralitat » çò ditz la candidata.


Écrit par La Setmana le vendredi juin 2, 2017
Category: news - Tags: tarn, legislativa, politica, berlic, poc, rps

« Somari de La Setmana n° 1078 - Aurelia Lassaque, semiaira de poesia »