Lo setmanièr occitan

Serada a l'entorn deus Pirenèus a Bèthhag (09)

L'Ostau Comengés qu'organiza ua serada « Raconte-moi les Pyrénées » dissabte lo 25 de març a Bèthhag (09). Au programa a comptar de 20 ò 30, cantas, danças, peçòtas en lenga nosta dab los mainatges de l'escòla. Lo filme « Era hèsta deth pòrc » pertocant a la hèsta deu pòrc en Comenge e Coserans, que serà projectat. Lo realizator, Renaud Lassalle que serà present.

                                     

La serada que's clavarà per un concèrt deu grop Arredalh (Fòto DR). Arredalh qu'ei ua amistat qui ei vaduda au pè deu pic deu Burat enter dus apassionats de la memòria deu monde, de la lor istòria, de las lors valors, tradicions, lenga…
Lo grop que torna préner musica tradicionau de Comenge mes que perpausa tanben composicions sus l'empont.

                                    

Inf. : Sala de las hèstas, 09160 Bèthhag — Participacion libra — Tel. : 05 61 04 49 24 — Site : www.oralitatdegasconha.net


Écrit par La Setmana le vendredi mars 17, 2017
Category: news - Tags: betchat, arieja, occitan, comenge, ensenhament, lenga, cultura

« AUDIO — La Setmana a Ràdio País - Punt de Lenga — « Lo pronom neutre » »