Lo setmanièr occitan

Rentrada de 2017 — L'associacion Drin a Drin au tribalh

Au mes d'abriu, la federacion Calandreta deus Pirenèus-Atlantics qu'organizava duas amassadas publicas a Espuei en Bearn entà presentar un possible projècte d'obertura d'escòla immersiva dens la vila. 

Arron un tribalh de mei d'ua annada, los pairs a l'origina deu projècte que s'escadón a apitar l'associacion tà la Calandreta d'Espuei, « Drin a drin ». La purmèra Amassada Generau de l'associacion que's debanè ger a la sala de las associacions de la vila bearnesa en preséncia d'un detzenat de personas. Lo burèu e los membres deu CA qu'estón fin finala elejuts.

Cap a cinc mainatges que son inscriuts tà la rentrada de 2017. Que seguiràn un cursus escolar immersiu en lenga occitana dab ua regenta qui ei estada d'ara endavant causida e a la demora de la rentrada vienenta.

La Calandreta d'Espuei qu'ei en construccion (fàcia a la panisseria deu vilatge) e que serà prèsta d'ací 2 mes.

                               

Inf. : Federacion Calandreta 64 — 2 rota Màger, 64230 Puei de Lescar — Tel. : 05 59 68 68 73 — Corric : federaction@calandreta-bearn.org — Site : http://www.calandreta-espoey.frFacebook Calandreta Espuei

Entervista ger a l'AG de l'associacion Drin a Drin : Jordi Hostein qu'ei professor d'occitan a Pontac en Bearn e que hè partida deus pairs a l'origina de l'iniciativa de la Calandreta d'Espuei e Chantal Tuheil, regenta e gavidaira de la Calandreta paulina, qu'ei tanben gavidaira de la Calandreta d'Espuei e de Masèras. Las duas darrèras calandretas que son annèx de la paulina entà facilitar lo lor foncionament e l'embaucha de regents enter autes. 


Écrit par La Setmana le mercredi juillet 12, 2017
Category: news - Tags: ensenhament, calandreta, occitan, espuei

« Resultats del concors de « Lecturas e Òc » a l'entorn d'un libre - Un atlàs sonòr dab la lenga d'òc »