Lo setmanièr occitan

RDV : l'ultima creacion d'Eric Fraj (AUDIO)

La creacion « RDV » elaborada l'an passat e en virada ongan serà la darrièra del cantaire occitan de Carbona. 

Es una causida. Après mai de quaranta ans de carrièra, lo cantaire Eric Fraj causís de racrocar los gants pauc a pauc. Se farà encara qualques concèrts d'aicí e d'ailà de faiçon ponctuala, farà pas mai de creacions del calibre de « Pel el Mal » o encara de « Gao ». L'artista se consacrarà a son activitat primièra : escriure. 

Son ultima creacion compren 18 cançons en occitan, catalan e castelhan (coma de costuma) mas tanben doas cançons en francés. L'una es un omenatge a la cantaira Colette Magny, cantaira engatjada e artista experimentala de las annadas setanta. Fraj es enrodat de musicians del CAMOM dont Guillaume Lopez (logic) amb Cyrille Brotto (acordeon, bassa), Morgan Astruc (guitarra) e Simon Portefaix (percussions). 

Las representacions que venon : deman 21h, à la MJC de L'Isla de Baish (32) e lo 4 de mars a l'Estive, a 20h45, scèna nacionala de Foish e d'Arièja (09) e lo 20 de mai a Carbona (31).

Inf. : www.lecamom.com 

Podètz tornar trobar una cronica sus la creacion "RDV" difusada sus l'antena de Ràdio País aquí.


Écrit par La Setmana le jeudi février 16, 2017
Category: music - Tags: Cultura, RDV, Fraj

« Pau (64) — Las purmèras Assisas de la Lenga Occitana saludadas per la critica - « Oui au pays catalan » aprèsta las legislativas »