Lo setmanièr occitan

Ràdio Kerne : Ua pèça de teatre britanica version bretona

En aliança dab Ràdio Kerne, lo Teatr Piba qu'ei a realizar ua ficcion radiofonica en breton.

A l'iniciativa de l'aventura, la societat de produccion audiovisuau en lenga bretona Dizale. Qu'ei la pèça « La campanha » de l'autor britanic Martin Crimp, qui estó causida. Lo tèxte de teatre qu'ei dividit en cinc scènas dont quate se debanan de nueit. Tres personatges : un cople, lo mètge Richard e la soa hemna Corinne qui deishèn Londres entà demorar a la campanha e ua joena inconeiguda. Un vertadèr desfís tà l'equipa deu Teatr Piba qui s'ajuda deu musicaire Jérôme Kerihuel e deu tecnician deus efèits sonòrs Javier Marin Leyton entà crear ua atmosfèra. La ficcion polar qu'estó mesa en scèna coma ua pèça de teatre per espectators e auditors e que serà enregistrada en dirècte suu platèu de l'Arthémuse a Briec. 
La pèça qu'a la particularitat d'estar difusada en ràdio abans lo teatre.

Enregistrament radiofonica public en lenga bretona de « La Campanha » de Martin Crimp peu Teatr Piba lo dimèrcs 16 de seteme a 20 òras a l'Arthémuse de Briec. Entrada libra mes sus reservacion. D'escotar sus las ondas de Ràdio Kerne, Ràdio Kreizh Breizh e d'autas ràdios locaus.


Écrit par La Setmana le vendredi septembre 11, 2015

« La Setmana qu'ei sortit ! - Espectacle bilingüe de « Las reinas sopartardas » a Ortès »