Lo setmanièr occitan

Punt de Lenga — « Lo pronom neutre »

Pèire Boissièra me fa remarcar que, dins mon editorial del numèro 1070, Sortir de la democracia ? me soi pas pro mesfisat…
Ai escrich: « Quitament se * l’ai escrich… » e un pauc mai luènh « … un estafièr, fièr de * l’èsser » Non ! M’auriá calgut escriure : « … se o ai escrich » e « fièr d’o èsser ». L’aguèsse tornada legir, auriái notat que, qualques linhas aprèp, ai escrich : « Obama […] o aviá previst » e « o an fach… o podèm far ».
M’o | Me o ditz. Garda-t’o | Garda-te-o.
L’occitan gascon coneis pas aquela forma mas emplega ac (variantas, òc, ec, ic…)
Lo pronom neutre es totjorn complement dirècte.
Aquò, n’ac sabi pas !
Aqueth libe, que l’ac èi tornat.
Qu’ac avè tot vist.
I a variantas de segur mas las formas o (leng.) e ac (gasc.) son recomandadas per la lenga literària ; i podèm apondre la lenga jornalistica !

Andriu de Gavaudan

Fonts : Loís Alibèrt Gramatica occitana
Romieu & Bianchi. Gramatica de l’occitan gascon contemporanèu (2005).

En partenariat amb locongres.org


Écrit par La Setmana le vendredi mars 17, 2017
Category: news - Tags: punt, lenga, gavaudan, andriu, pronom, congres

« Serada a l'entorn deus Pirenèus a Bèthhag (09) - Pertrèit : Gisèle Naconaski, de Brasil tà Occitania »