Lo setmanièr occitan

Poesia e gravadura a la libraria Occitana

La libraria Occitana qu'organiza ua mustra dens los sons locaus deu 2 de març dinc au 30 d'abriu. Lo vernissatge de la mustra « A chara o crotz » que's debanarà dimèrcs lo 2 de març a 18 òras 30 en preséncia deus dus autors Jan-Marc Simeonin e  Cecila Chapduelh.

               

Jan-Marc Simeonin, artista lemosin a l'univèrs mistic que presentarà las soas gravaduras. Las soas òbras que son inspiradas de divèrs poèmas deu recuelh de Cecila Chapduelh « A chara o crotz » que l'artista illustra. Cecila Chapduelh que vienerà léger quauques vèrs occitans, un vent de frescor en lo paisatge poetic actuau. Lo son recuelh qu'ei editat en çò de Lo Chamin de Sent Jaume.

               

Un extrèit deu libe de Cecila, gessit deu poèma « A prestir » :


Ses pestor
Tas mans me fan
Sus mon còrs
Terren de juec
Saborós per l’amor
De sas milantas possibilitats
Un pauc mai que sus lo teu, benleu
De ton còrs d’òme
Alaidonc me laisse
Fai-me femna
Fai me

Inf. : Libaria Occitana, 23 arrua Haute-Vienne a Lemòtges — Tel : 05 55 32 06 44 — Site : ieo-lemosin.org


Écrit par La Setmana le vendredi février 26, 2016
Category: events - Tags: mustra, lemotges, cultura, poesia, occitan, chapduelh, litteratura

« 750 euros d'esmenda per un sindicalista en Rin-Haut - Literatura d'òc : una antologia en linha »