Lo setmanièr occitan

Pau (64) — Las purmèras Assisas de la Lenga Occitana saludadas per la critica

Los 14 e 15 de heurèr, l'associacion estudianta de l'Universitat Pau País de l'Ador, lo Med'Òc, qu'organizè en aliança dab l'InÒc, lo Congrès Permanent de la Lenga e d'autes partenaris, las purmèras Assisas de la lenga occitana.

Un quarantenat d'actors deu mitan occitan, organizats en quate grops de reflexion, qu'escambièn sus granas tematicas primordiaus tà l'occitan pendent dus dias : l'ensenhament e la formacion, la politica lingüistica, l'insercion socioeconomica, e los mèdias e l'edicion.
La Setmana que participè deu darrèr talhèr. Arron un estat deus lòcs de la preséncia de la lenga suus supòrts numeric, audiovisuau e papèr, preconizacions cap tà l'aviéner de cada grana tematica abordada qu'estón presentadas au moment de la restitucion deus talhèrs ger vrèspe.

Lo reportatge de La Setmana :


Écrit par La Setmana le jeudi février 16, 2017
Category: news - Tags: assisas, pau, bearn, uppa, universitat, joens, estudiants, economia, media, edicion, politica, linguistic

« Tecnologia : peticion per una emoticòna amb lo drapèu basc sus WhatsApp - RDV : l'ultima creacion d'Eric Fraj (AUDIO) »