Lo setmanièr occitan

Òlt — L'amontanhatge, ua tradicion ancestrau primordiau tà l'environament

La 9au edicion deu tradicionau amontanhatge en lo departament d'Òlt que comencè a Ròcamador lo 11 d'abriu tà acabà's a Lusèg aqueth dissabte. 

Pendent cinc dias, aulhas, aulhèrs e caminaires que traversan 70 km a pè capvath los camins d'Òlt. Qu'acompanhan l'aulhada dinc a las hautors de las vaths deu departament, a la conquista deus espacis embroishagats. Animacions que ritman aqueth navèth amontanhatge, mercats, repaishs o enqüèra seradas musicaus. 

Lo departament que lancè lo programa « Transhumance en Quercy » dètz ans a en aliança dab vint associacions fonsièras pastoraus e un cinquantenat de neuridors. Lo president deu Departament d'Òlt, Serge Rigal, que's regaudeish d'aver podut recuperar cap a 4 000 ectaras despuish 2008 e que n'espèra poder recuperar 4 000 mei. 

Lo desvolopament d'aquera practica ancianament sasonèra que vad un objectiu deus importants en los grans espacis d'Òlt, dusau departament motoèr de la Region Occitania / Pirenèus-Mediterranèa. 

L'amontanhatge qu'ei primordiau tà lutar contra los huecs e tà la preservacion de la biodiversitat. 

Inf. : Programa sancèr sus transhumance.lot.fr/ — Corric : suzanne.peyronnenc@hotmail.fr 

Fòto — ©Ancalagon


Écrit par La Setmana le jeudi avril 13, 2017
Category: news - Tags: amontanhatge, aulha, aulher, olt, environament

« Editorial : « Auturoses, los Franceses ? » - Somari de La Setmana n° 1074 »