Lo setmanièr occitan

Narbona (11) — País Nòstre que denoncia l'acte d'un ensenhaire

País Nòstre que hasó un comunicat de premsa tà denonciar l'acte d'un ensenhaire deu licèu Docteur Lacroix de Narbona (11). Aqueste qu'obliguè un deus sons escolans a escóner la crotz occitana que portava a l'entorn deu còth « entà non pas crear nat problèma ».

Lo movement occitan que s'ofusca qu'un simbèu regionau e sia assimilat a un signe religiós, « Aquò non pòt pas sonque estar lo hèit d'un ensenhaire alpinista, qui escala los soms de la peguessa. Solide pas un professor d'istòria ! ». País Nòstre qu'espèra de véder si la direccion acceptarà de hicar lo lògo de la Region Occitania/Pirenèus-Mediterranèa suu davant deu son establiment. Que s'engatja a non pas demorar shens nada reaccion fàcia a un tau mesprètz.

Fòto : NicolasNicolas11


Écrit par La Setmana le vendredi mars 31, 2017
Category: news - Tags: pais, nostre, narbona, liceu, ensenhament

« AUDIO — La Setmana a Ràdio País - Musica : lo primièr album de Cocanha en linha ! »