Lo setmanièr occitan

Marselha : Corsica Linea tira camin

La companhiá maritima assegurant las ligasons entre Corsega, continent e Magreb (anciana SNCM) ven d'acabar son primièr exercici en essent beneficiària. 

Per una primièra annada d'existéncia, las chifras son puslèu bonas amb una chifra d'afars de 170 milions d'euros. La companhiá a aviat una operacion larga de renovacion de sa flòta. Segon çò indicat pel PDG Pierre-Antoine Villanova a La Provence, son 22 milions d'euros que son investits cada an. A soslinhat l'estat preocupant de las naus que li foguèron daissadas oer l'anciana SNCM. Recentament lo batèu Paglia Orba, adobat en cala seca al pòrt de Marselha, a fait l'objècte d'un investiment de 3,5 milions dont 2 milions per petaçar los motors. « Tot aquò sens cap de recors al manlèu, insistissi aquí-dessús » çò a indicat lo sénher Villanova a La Provence

Dins los meses qu'arriban, l'atencion serà portada sus la nau Méditerranée assegurant las ligasons cap al Magreb. Fariá l'objècte d'un investiment de 30 milions d'euros per l'adobar. Lo patron de Corsica Linea confessa que seràn pas leaders sus Corsega mas qu'an una part de mercar que « demanda pas qu'a èsser desvolopada ». Pasmens, parla d'una part de mercat sul fret qu'a augmentat de 10 % sus Marselha. Pel moment, la companhiá s'esforçarà de consolidar sa posicion. 

 


Écrit par La Setmana le mercredi février 15, 2017
Category: news - Tags: Economia, Transpòrts, CorsicaLinea, Marselha

« Los Occitans en massa au Salon de l'Agricultura 2017 - Bordèu : Novèla-Aquitània a votat son primièr budgèt »