Lo setmanièr occitan

Los dessenhs de Fanny Barrabès inspirats pel Claudi Marti

Del 15 de junh al 25 d'agost, l'Ostal d'Occitània aculhirà la mòstra de Fanny Barrabès « Agar. Cap a la libertat, a caminar ! ». Son dessenhs a la rescontra dels tèxtes de Claudi Marti. Lo vernissatge se debanèt lo 15 de junh amb un set musical del sénher Marti.

L'expausaira trabalh e experimenta diferentas qualitats de papièrs artisanals fabricats en tèrra occitana, dempuèi mantunas annadas. L'artista descriu son trabalh amb aqueles mots : « Los papièrs artesanals son fabricats al molin a papièr de Brossa e Vilarèt dins la Montanha Nègra. A basa de lin, de carbe o de raca de rasim, aprivada aquelas fuèlhas unicas per insciure sos dessenhs que van a la rescontra de l'escritura espontanèa ». Aital, de siloetas de monde, de detadas d'objèctes non-indentificaders, de fragments de mapas de territòris imaginaris, de peis o encara de granas de milgranas s'entremesclan e se compausan per anar a la rescontra dels tèxtes de Claudi Marti.

Inf. : 11 arrua Malcosinat — 31000 Tolosa.  


Écrit par La Setmana le vendredi juillet 28, 2017
Category: news - Tags: art, marti, tolosa, ostal

« lasetmana.fr es en vacanças ! - Un còp èra, Portet e Sent Lari, dus vilatges gascons »