Lo setmanièr occitan

L'occitan qu'apareisherà sus la senhaletica de l'Universitat de Pau

Ger, lo Conselh d'Administracion de l'Universitat de Pau e deus País de l'Ador qu'adoptè la mesa en plaça d'ua senhaletica trilingua sus l'ensemble deus sons campus. L'associacion occitana estudianta de Pau, lo Med'Òc, aus costats d'Uluka e deu Movement deu 22 de Març (M22M) que difusèn un comunicat de premsa en s'arregaudir de la decision de l'Universitat.

Qu'i veden la pròva que l'occitan e l'euskara an la lor plaça au costat deu francés e qu'aquera decision reconeish atau « las lengas ditas regionaus » e que « hica lo territòri sus la soa carta de visita mercés ad aquò ». 
La senhaletica bilingua n'ei pas ua finalitat segon los estudiants e que convidan l'UPPA a contunha la lor politica tà respóner au respècte deus drets culturaus de la convencion sus la proteccion e la promocion de la diversitat de las expressions culturaus deu 20 d'octobre de 2005. 

« Aquera demanda que seré estada impensabla dus ans a », çò nse hidè Yannick Pouey, vice president estudiant de l'UPPA, « l'occitan e l'euskara qu'èran vists com patés e arren mei ».

L'InÒc Aquitania que perpausa los sons servicis atau com la validacion lingüistica deus elements de senhaletica. 


Écrit par La Setmana le vendredi avril 7, 2017
Category: news - Tags: universitat, estudis, uppa, pau, bearn, bascoat, occitan, bilinguisme, senhaletica, medoc

« Cronica plantas d'aquí « Viatge dei plantas : de l'alhors a l'aicí… au fiu dei sègles » - Bearn — Dus dias descobèrta tau projècte de Calandreta d'Espoei »