Lo setmanièr occitan

Lo diccionari deus mots de las nostas regions de Loïc Depecker en libreria

Loïc Depecker qu'ei lingüista e haut foncionari francés especializat en terminologia e lexicologia.  Dejà autor en çò de Larousse deu « Petit Dictionnaire insolite des mots de la francophonie », lo lingüiste que perpausa uei lo dia lo « Petit Dictionnaire insolite des mots de nos régions » (Larousse, març de 2017, 320 paginas, 9,95 €). 

L'autor que perpausa mei de 500 mots, locucions e expressions deu parlar de las nostas regions. Lo diccionari qu'ei dividit en 30 tèmas : l'accion, l'amor, l'agricultura, las bèstias, lo comèrci, la cosina, la familha, la hèsta, las flors, etc. Loïc Depecker que hè ua virada de las regions de França a la descobèrta de mots familiars, coneishuts e dròlles, analisats dab umor e seriós. 

Lo lingüista qu'estó president de la Societat francesa de terminologia de 1999 a 2008 e qu'ei actuaument Delegat generau a la lenga francesa e a las lengas de França (Ministèri de la Cultura e de la Comunicacion).

                          


Écrit par La Setmana le mercredi avril 5, 2017
Category: news - Tags: diccionari, lenga, occitan, larousse, depecker, linguista, region

« Literatura : Un drama a Broa de Mar - Pau (64) — Un acòrd trobat enter la mairia e los heirèrs »