Lo setmanièr occitan

La Bòrda Fantastica qu'ei a Camdelan (40)

Pierre Blanco e Mathilde Froustey que son los urós proprietaris landés de la bòrda Camdelan. Qu'ei situada a dus pas de la mar grana, sus un site excepcionau. Dab aqueth projècte pedagogic, lo coble que desira har lo ligam enter patrimòni e present tà que la bòrda e vàdia un lòc d'escambi obèrt a tots. Atau, deu dijaus enlà dinc au dimenge a partir de 17 òras, los proprietaris que'vs perpausan de'vs har descobrir un lòc unic poblat de creaturas estranhas e de plantas d'Aquitania d'autes còps dab las soas aulhas landesas, las soas cabras deus Pirenèus e los sons pòrcs gascons. 

Cada dia, talhèrs d'inicacion e de demostracion de saber-hars ancians que son perpausats au public : lo dijaus, tribalh de la lan (11 €), lo dissabte, la mèu e las abelhas (4 €) e lo dimenge, tisteratge de milhòc (11 €). 

La bòrda Camdelan que serà inaugurada lo dimenge 21 de mai, dab un dia plen de suspresas. Sabem dejà qu'a comptar de 15 òras, lo vrèspe e's debanarà en musica dab ua serada conde en perspectiva… De non pas desbrombar de reservar la vòsta plaça, la bòrda non pòt pas arcuélher mei de 50 personas !

Inf. : La bòrda Fantastica, 3792 Rota de Contis, 40170 Sent Julian de Bòrn — Site : camdelan.com — Corric : contact@camdelan.com — Tel. : 07 68 67 72 66. 

                                         


Écrit par La Setmana le jeudi mai 18, 2017
Category: news - Tags: borda, agricultura, pedagogica, ensenhament, lanas

« Polemica : Seaska perdonarà pas a Jean Lassalle - Andrieu Lagarda a Carbona per la presentacion d' « Los ensenhaments de M. Lapluma » »