Lo setmanièr occitan

Gripa aviària : Henri Emmanuelli vòl lo voide sanitari per Landas

Lo president del Conselh departamental de Landas vei pas d'autra solucion que d'intensificar la campanha d'abatatge dels palmipèds.

Interrogat per un elegit d'oposicion se planhent de la manca de visibilitat dels abatatges preventius, Henri Emanuelli faguèt pas dins la mièja-mesura. « Al punt que ne sèm arribats, o valriá melhor abatre tot, que sàpiam a quina data far tornar desmarrar la produccion » çò li a respondut.

L'elegit (tanben noiriguièr) considèra que se sap pas ont van amb los degalhs collaterals que se mesuran pas encara e validèt l'idèa d'un voide sanitari a l'unisson de la presidéncia. Lo Conselh departamental a doncas votadas d'ajudas de mai d'un milion d'euros a destinacion de las filièras dels palmipèds e de la polalha magra. 

Amb 94 fogals nautament patogèns, Landas es lo primièr departament mai tocat per la gripa aviària davant lo Gèrs e los Pirenèus-Atlantics. Son ja 1,35 milions de palmipèds que son ja estats tuats dins 227 bòrias. 


 


Écrit par La Setmana le mardi février 14, 2017
Category: news - Tags: Societat, H5N8, Landas, Emmanuelli

« Jean-Guy Talamoni en visita en Occitània (AUDIO) - Tempèris : Lengadòc e Catalonha-nòrd en alèrta iranja »