Lo setmanièr occitan

Fotbòl — L'AOF qu'anulla la soa participacion a la ConIFA Euro 2017

L'equipa d'Occitània de Fotbòl qu'anonciè ger l'anullacion de la lor participacion a la copa ConIFA Euro 2017 qui's debanarà a Chipre nòrd deu 4 au 11 de junh de 2017. La ConIFA Euro qu'ei un tornei internacionau qui ved afrontà's equipas de fotbòl de minoritats, deus pòbles shens estats e regions qui ne son pas afiliadas dab Federacion Internacionau de Fotbòl Associacion (FIFA). 

L'equipa occitana qu'encontra problèmas financèrs e qu'ei en recèrca constanta d'esponsòrs, de pairinatge e de finançament d'enterpresas. Los Occitans qu'avèvan lançat l'an passat un finançament participatiu per l'Europeada de 2016, tà demandar 3 000 € d'ajuda per las còstas de participacion, lo transpòrt, l'aubergament, lo minjar, l'equipament o enqüèra la farmacia e l'assegurança.
« Esperam que podèm anar a la copa del mond ConIFA 2018 a Londres, mas ara, sens ajuda financièra de las administracions, podem pas contunhar e per la tresena còp de tira, aviam pas pogut anar en Ongria en 2015, en Abcacsia en 2016 e uèi a Chipre Nòrd », çò escrivón suu lor compte oficiau Facebook ger.  


Écrit par La Setmana le mercredi mai 31, 2017
Category: news - Tags: conifa, fotbol, esport, equipa, occitan

« Monica Sarrazin premiada per la jurada Jaufre-Rudel - Uei, 6au rencontre de la Tuta d'Òc ambe Christian-Pierre Bedel »