Lo setmanièr occitan

Espectacle bilingüe de « Las reinas sopartardas » a Ortès

« Las reinas sopartardas » qu'ei un espectacle bilingüe occitan/francés taus petits e taus grans. Qu'ei jogat per la Companhia Pas-Sage Ensemble. Que'u poderatz descobrir a Ortès lo 2 d'octobre a comptar de 19 òras au teatre Francis Planté. »

Entratz dens un univers de legendas e de magia on las beròjas reinas se transforman chic a chic en maishantas becudas, jos l'uelh impotent de la contrada. Un còp èra, tres reinas qui demorava dens tres castèths au som de tres montanhas. Qu'avèvan pres l'acostuma de minjar los mainatges, dinc au dia quan… 
Aqueste espectacle qu'ei ua adaptacion viva a la crotzada deus camins e de las culturas, deu francés e de l'occitan, de la canta e deu teatre, de l'animacion e de la musica. 
L'espectacle qu'ei hicat en scèna per Isabelle Silvestri, jòc e canta per Marie-Noël Bordenave e Marie-Hélène Peyresaubes.


Écrit par La Setmana le vendredi septembre 11, 2015
Category: news

« Ràdio Kerne : Ua pèça de teatre britanica version bretona -