Lo setmanièr occitan

Dia dedicat a la lenga a Montaner (64)

Lo Comitat de las hèstas de Montaner que vòu tornar hicar la lenga e la cultura occitanas au còr de la comuna.

                                       

Peu purmèr còp, la vila bearnesa qu'organiza ua jornada bearnesa doman lo 15 de julhet. Las festivitats que començaràn a comptar de 14 òras dab un cors de lenga deu Felip Barrère au castèth (shens nada inscripcion). Lo professor qu'i balha cors mantuns còps tot au briu de l'annada. Lo Comitat qu'a decidit de valorizar l'occitan capvath las polifonias. Atau, cors de polifonias que seràn accessibles a tot lo monde (shens inscripcion). Ua iniciacion qu'i serà realizada a l'entorn d'ua cantèra dab los grops Rambalh, Manilhas e los Esbagats de Montaner. Un moment de discutida en lenga nosta qu'ei previst en fin de vrèspe a l'estanquet sus la plaça deu vilatge, un moment tostemps propici aus escambis verbaus de la batalèra.

L'immersion en occitan que s'encadenarà peu concèrt deu grop de ròck de Gèrs, Boisson Divine, qui contunha la soa virada entà presentar lo son àlbum « Volentat ».

                             

Yannick Pouey, membre deu Comitat de las hèstas de Montaner que tien a remembrar la gratuitat de l'eveniment hestiu :


Écrit par La Setmana le vendredi juillet 14, 2017
Categories: news, events - Tags: hesta, cultura, bearn, occitan, boisson

« Vauclusa — Lo 700n aniversari de l'Enclava dels Papas - Resultats del concors de « Lecturas e Òc » a l'entorn d'un libre »