Lo setmanièr occitan

Dàvid Grosclaude, vice-president de l'Aliança Libra Europèa

Quasi duas setmanas après aver deishat la soa plaça de president de l'OPLO, Dàvid Grosclaude qu'estó elejut vice-president de l'Aliança Libra Europèa (ALE) lo 1èr d'abriu passat a Aiacciu.

L'ALE qu'ei un partit politic qui amassa 45 partits progressistas capvath l'UE e qui compta 12 eurodeputats. La soa tòca qu'ei la promocion deus drets umans, civius e politics au servici d'ua Euròpa deus pòbles. L'eleccion deu militant bearnés que's debanè au parat de l'assemblada generau a Aiacciu en Corsega lo 1èr d'abriu. L'AG qu'èra presidida per François Alfonsi (membre deu Parti de la nacion còrsa) e que's debanè peu dusau còp en Corsega (1èr còp en 1979).

139 delegats qui representavan mei de 45 partits-membres de l'ALE que s'amassèn deu 31 de març au 2 d'abriu. Ad aqueste parat, Gilles Simeoni, president deu Conselh executiu de Corsega qu'encontrè a Jordi Solé, secretari deus Ahars Estrangèrs e de l'Union Europèa deu Govèrn de Catalonha. Lo parat de bastir un aviéner comun enter los dus territòris au demiei de l'UE. Los escambis d'aquesta AG que pertoquèn mei que mei sus la generalitat de Catalonha e la collectivitat territoriau de Corsega.
Dàvid Grosclaude que remplaça Gustave Alirol, membre deu burèu deu Partit Occitan e president de la federacion Regions e Pòbles Solidaris.

L'entervista sancèra deu sénher Grosclaude que serà d'arretrobar dens lo numèro de La Setmana papièr qui arriba. En aténer, aquiu lo son sentit arron la soa nominacion com vice-president de l'ALE :

 


Écrit par La Setmana le lundi avril 4, 2016
Category: news - Tags: grosclaude, lenga, cultura, occitan, politica, corsega, ALE

« Obesitat : mòde de vita e consequéncia deus polluents atmosferics ? - Regions : Alsàcia / Champagne-Ardennes / Lorrena se dirà "Grand èst" »