Lo setmanièr occitan

Collectatge vidèo en occitan en Montanha Negra

​L'objectiu principal èra la lenga d'òc e non pas de presentar un biais de trabalhar tradicional. 

Rec11prod amb Quintin Peiràs vos presentam un trabalh de collectatge vidèo de la paraula occitana que lo venèm d’acabar. Rodèrem aquel filmòt en decembre de 2016. S’agís del collectatge d’un moment que passèrem quasiment pas qu’en occitan, a cò de Loís dins la Montanha Negra del sud d’Erau. Loís es retirat e comencèt de trabalhar en faguent lo manescal, mestièr que li ensenhèt son grand. A

l començament del filme se pòt veire en foncionament la farga vièlha de son grand. Puèi la convèrsa ven mai liura e Loís nos descriu divèrses espleches que i a dins la farga e nos explica d’aspèctes de la vida qu’a viscuda.
 
Avèm realizat aquel filme per documentar l’occitan parlat per un locutor que l’a agut per lenga primièra e per lenga de trabalh. L’objectiu principal èra donc la lenga d’òc, non pas de presentar un biais de trabalhar tradicional, e mai lo tractament d’aquel biais de trabalhar coma manescal pòsca semblar confús. Esperam qu’als legeires de Jornalet e al monde interessats per la lenga occitana lor farà gaug d’agachar aquel trabalh. Podètz agachar aquel vidèo sus la plataforma YouTube.

Quintin Peiràs
Un article del Jornalet 


Écrit par La Setmana le mercredi juillet 19, 2017
Category: news - Tags: jornalet, collectatge, eraut

« Tres vidas, un viatge musical e poetic - Somari de La Setmana n° 1081 »