Lo setmanièr occitan

Bordèu : cors d'occitan a l'Universitat Bordèu Montaigne

Los futurs estudiants de la facultat bordalesa an la possibilitat de seguir mantunas formacions en occitan en licéncia o en Master. 

Se arribatz a l'Universitat Bordèu Montaigne (amb lo bac o lo DAEU en pòcha) e que volètz far d'occitan, mantunas possibilitats se presentan. I a primièr la possibilitat d'assistir a de corses del ser en presencial per obtenir lo nivèls A1 o A2 (començaire e confirmat) e de far coneissença amb sa cultura e sa civilizacion. Segond, se pòdon seguir de formacions a distància per obtenir lo nivèl B1 o B2 e aprestar lo certificat en occitan via lo servici del CLUB Montaigne.

Se volètz aprestar lo concors de recrutament per l'ensenhament bilingüe en primari o se volètz aprestar lo CAPES, pel segondari, podètz seguir l'unitat d'ensenhament d'occitan compresa dins la licéncia « cultura umanista e scientifica ». En primièra annada, auretz de corses del ser en presencial (nivèl A1 o A2). En segonda annada e tresena annada, seràn respectivament de corses a distància de nivèl B1 puèi B2 sus la plataforma web Moodle. 

Enfin, se volètz far un memòri de Master ligat a la literatura occitana medievala, avètz la possibilitat de participar a un seminari en occitan medieval tocant a la Cançon de la Crosada. Serà completat d'un cors suls usatges non-literaris de l'occitan ancian.  

Inf. : 05 57 12 44 44 (Acuèlh UBM) — corric : bernard.katy@wanadoo.fr 


Écrit par La Setmana le vendredi mars 17, 2017
Category: news - Tags: Ensenhament, Occitan, Bordèu, UBM

« Pertrèit : Gisèle Naconaski, de Brasil tà Occitania - Tolosa : lo nom « Occitania » utilizat per ua tor navèra »