Lo setmanièr occitan

(43) Tensà — Hestenau La Retornada deu 7 au 9 de julhet

L'associacion La Retornada qu'organiza la 4au edicion deu hestenau deu medish nom. Pendent tres dias, concèrts que son perpausats au public : hip-hop, reggae e bal trad dab Doctors de Trobar (7/07), Ministeri del Riddim (7/07), Tripoux e Du Bartàs (8/07) o enqüèra Barilla Sisters feat Radio Tutti (8/07). 

Jean-Baptiste Martin que presentarà lo hons de tribalh de Théodore de Félice a la bibliotèca deu Chambon-sur-Lignon lo purmèr dia a 17 h 30. L'endedia, ua visita guidada en lenga nosta qu'ei organizada per « Les Amis du Vieux Tence » en partença de la gara dinc a la mairia. L'Institut d'Estudis Occitans qu'animarà ua taula arredona suu tèma « Quaus perspectivas tà la lenga e la cultura occitanas dens lo navèth contèxte politic ? » a la bibliotèca de Tence. Lo ser que serà inaugurada la mustra « Paraulas de País » tostemps a la bibliotèca . Lo darrèr dia deu hestenau, arron ua missa en occitan a la glèisa, Jean-Claude Fouillet que jogarà lo son espectacle « Aventures et mésaventures de Batistou ». La companhia de teatre bilingüe Latituds de Polignac que jogarà la pèça « La Republiconeta daus Erbals ». La Retornada que's clavarà dab lecturas en occitan e un aperitiu musicau. 

Inf. : programa sancèr sus www.facebook.com/festenal.retornada — Tel. : 04 71 65 24 97 e 06 20 17 01 57.


Écrit par La Setmana le mercredi juin 28, 2017
Category: news - Tags: retornada, hestenau, occitan

« (33) Vilandraut — Nueits Atipicas - 10 au 15/07 — 12au Congrès de l'A.I.E.O a Albi suu tèma « Fidelitats e dissidéncias » »