Lo setmanièr occitan

10 au 15/07 — 12au Congrès de l'A.I.E.O a Albi suu tèma « Fidelitats e dissidéncias »

Despuish 1984, l'Associacion Internacionau d'Estudis Occitans (A.I.E.O) qu'organiza un gran congrès internacionau cada tres ans. Creada en 1981, qu'a per tòca de favorizar e de coordinar las recèrcas scientificas dens lo maine deus estudis occitans. Qu'amassa tots los qui's consacran ad aqueras recèrcas au nivèu internacionau en lingüistica, literatura, istòria, antropologia o enqüèra musicologia. Amassa que tribalhan sus la plaça de la lenga e de la cultura nostas dens la societat actuau, lo lor rapòrt dab l'environament culturau. Atau, qu'organizan encontres scientifics, acamps de tribalh e lo gran Congrès.

Arron Besièrs (en 2011) e Lleida (Espanha en 2014), l'encontre internacionau que's debanarà a Albi en Tarn deu 10 au 15 de julhet.

Lo tèma perpausat augan qu'ei « Fidelitats e dissidéncias ». Divèrsas conferéncias e taulas arredonas que son perpausadas sus tèmas qui van de l'antropologia (Dominique Blanc e Joan-Pèire Cavaillé), la didactica (Joan-Francés Albèrt, Felip Joulié, Thiago Mori, Jordi Ortiz de Antonio, Annia Pla/Irena Pradal) , l'istòria medievau (Viviane Cunha, Hélène Debax, Alessandra Dolce e Isable Grifoll) e contemporanèa (Rose Blin-Mioch, Cristian Lagarda, Yan Lespoux, Philippe Martel, Laure Teulières, Hervé Terral, Jaume Vellvehí i Altimira) a la lingüistica contemporanèa, la literatura modèrna, medievau e contemporanèa (Xavier Bach, Claudi Balaguer, Fabrici Bernissan, Miriam Bouzouita, Miriam Bras, Joan Sibille, Rafèu Sichel-Bazin, Franco Bronzat, Guylaine Brun-Trigaud, Alvert Malfatto e Maguelone Sauzet) en passar per la sociolingüistica istorica (Joan-Pèire Cavaille e James Costa) e la musicologia (Xavier Bach e Pierre-Joan Bernard).

Inf. : Programa sancèr suu site http://blogs.univ-tlse2.fr/aieo2017/fr

                                 


Écrit par La Setmana le mardi juin 27, 2017
Categories: news, events - Tags: occitan, recerca, lenga, literatura, linguistica, sociolinguistica, musicologia, antropologia, albi, tarn

« (43) Tensà — Hestenau La Retornada deu 7 au 9 de julhet - Retrach de la setmana — Cecila Chapduelh, crear per transmetre »