L'AOF acaba 2013 sus una victòria

AOF

Lo 28 de decembre passat, l'AOF (Associacion Occitana de Fotbòl) anèt en Galícia (Espanha), dins la vila de Lugo, per i disputar un rencontre amb la seleccion Siareiras Galegas en marge de lor fèsta nacionala. Compausada de jogaires de tot lo Sud d'Occitània, la formacion del seleccionaire Didier Amiel compliguèt sa mission en s'impausant sus l'escòre de 7-1.

Alara que lo fotbòl francés èra al repaus pendent las fèstas, l'AOF se presentèt en Galícia per son darrièr match de l'annada. Recentament venceire del « Tynwald_Hill_International_Football_Tournament » disputat sus l'isla de Man (Irlanda), Didier Amiel aviá tornamai convocat sas tropas e seleccionat novèls jogaires per preparar la Copa del Monde (ConIFA World football Cup) prevista en Suècia a la prima de 2014.

Venceires amb respècte, en presicant totas las valors que caracterizan Occitània e per tot lo trabalh fait pels dirigents de l'associacion, los jogaires provèron tornamai la progression fotbolistica e la dimension umana de l'AOF en s'impausant per una victòria 7-1 après una partença en fanfara dels galicians (0-1 a la 19na), sostenguts per un public nombrós que, fin finala, foguèt conquist per la prestacion dels occitans.

Composicion de la còla occitana :

- Quilhats : Boris Massaré (10 cap), Mickael Bertini (9), Vivian Dors (8), Joel Congré (5), Aurélien Rouet (4), Lucas Orditz (1), Loic Laffont (7), Nicolas Desachy (president), Nicolas Ferrères (coach gardians)
- Acocolats : Didier Amiel (coach), Ronald Rodas (11), Nabil Moussi (6), Guillaume Gerbe (2), Maxim Altenhoven (3)
- Butaires Occitània : Boris Massaré (21', 59'), Mickael Bertini (29', 32', 49', 83'), Joel Congré (85')
- Coach : Didier Amiel
- Coach Gardians : Nicolas Ferreres
- President : Nicolas Desachy

Powered by Bullraider.com

Informacions suplementàrias